Taylandda keçirilən İnformatika üzrə Beynəlxalq Fənn Olimpiadasında azərbaycan komandasının iştirakçısı Azad Salahlı iki günün yekununa görə 299 bal toplayaraq bürünc medala layiq görülmüşdür.

Qeyd etmık lazımdır ki,  komandanın rəhbərləri Ramin Mahmudzadə,  İsmayıl Sadıqovun neçə il davam edən gərgin səyləri nəticəsində və professor Rasim Əliquliyevin yaxından dəstəyilə bu il nəhayət, İnformasiya Texnologiyaları İnstuitutun nəzdində olimpiya mərkəzi yaradıldı.  Mərkəzə Rabitə və İnformasiya Texnologiyarı Nazirliyinin köməkliyi ilə BDU və respublikanın digər universitetlərindən mütəxəssislər cəlb edildi. Ramin Mahmudzadənin tərtib etdiyi xüsusi proqram əsasında komandamızın üzvləri cəmi 1 ay ərzində "Kombinatorika", "Ehtimal nəzəriyyəsi", "Qraflar nəzəriyyəsi" və riyaziyyatın digər sahələri üzrə intensiv mühazirə və məşğələlər keçirmişlər.

Məşğələlər cəmi 1 ay davam etsə də  o, öz nəticəsini verdi. Beynəlxalq fənn olimpiadalarında daim uğurla çıxış edən komandaların təcrübəsindən bir daha görünür ki, bu cür ixtisaslaşmlş məşğələlər il ərzində cəmi 1 ay deyil, bütün il boyu sistematik keçirilməlidir. Bunun isə dövlət qurumlarının dəstəyinə böyük ehtiyacı vardır. Daim uğurla çıxış edən və  daim ünsiyyət saxladığımız Rusiya, Belarus, Qazaxstan və digər ölkələin komandalarının uğurunun sirri də məhz bundadır.

Biz də ümid edirik ki, bu nəticəmiz bütün informatikləri ruhlandıracaq və şagirdlərimizin gələcəkdə daha böyük uğurlar qazanmasının əsasını qoyacaq.


Elmi dəstək- AMEA-nın müxbir üzvü, professor Rasim Əliquliyev

Komandamızın rəhbərləri- Ramin Mahmudzadə və İsmayıl Sadıqov

Komanda üzvləri: Azad Salahlı, Əli Kərimli, Rəşid Gaziyev, Tahir Əli-zadə.