Baş səhifə » 2011 » Mart » 1 » Bakı Şəhər Təhsil İdarəsi "Təhsildə İKT-nin tətbiqi - bilik, bacarıq, təcrübə" adlı sərginin iştirakçılarını mükafatlandırdı
19:39
Bakı Şəhər Təhsil İdarəsi "Təhsildə İKT-nin tətbiqi - bilik, bacarıq, təcrübə" adlı sərginin iştirakçılarını mükafatlandırdı
Bakı Şəhər Təhsil İdarəsində "Təhsildə İKT-nin tətbiqi - bilik, bacarıq, təcrübə" adlı sərgidə fəal iştirakına görə fərqlənən
müəllim və şagirdlər, o cümlədən yaxından dəstək olan şirkətlərin
əməkdaşlarının BŞTİ - nin müdiri Nailə xanım Rzaquliyeva tərəfindən
mükafatlandırılması mərasimi keçirildi. Nailə xanım uğurlu
fəaliyyətinə görə hər bir iştirakçıya təşəkkürünü bildirdikdən və
müvəffəqiyyətlər arzuladıqdan sonra fəal iştirakçıları mükafatlandırdı.
Ümumilikdə "Təhsildə İKT - nin tətbiqi, bilik, təcrübə, texnologiya”
adlı baxış - sərginin təşkili, materiallarının seçilməsi, təşkilatı
işlərin həyata keçirilməsi sahəsində səmərəli fəaliyyətinə və sərgidə
fəal iştirak etdiklərinə görə 81 müəllim İdarənin Fəxri fərmanları ilə
təltif edildi. Həmçinin sərginin bütün mərhələlərində fəal
iştiraklarına və hazırladıqları elektron resursların sərgidə nümayiş
etdirilməsi hüququ qazandığına görə 12 şagird BŞTİ – nin diplomu,
sərginin təşkilində və keçirilməsində göstərdikləri texniki dəstəyə,
faydalı əməkdaşlığa görə isə "Smart Technologys”, "Azedunet”,
"Bestcomp”, "Mədəd”, "Sinam” və "Ultra” şirkətləri BŞTİ – nin Fəxri
fərmanı ilə təltif edildilər. Həmçinin adıçəkilən şirkətlər də öz növbəsində fəal müəllimlərə hədiyyələrini təqdim etdilər.