Baş səhifə » 2015 » May » 22 » Bakı Modern Məktəbində "Robototexnika" tədris mərkəzinin açılışı oldu
08:43
Bakı Modern Məktəbində "Robototexnika" tədris mərkəzinin açılışı oldu
21 may 2015-ci il tarixində Bakı Modern Məktəbində "Robototexnika və Mühəndislik" Əlavə təhsil Mərkəzinin rəsmi açılışı olmuşdur. Mərkəzin işinə məsləhətçi kimi BDU-nun dosenti Ramin Mahmudzadə rəhbərlik edir. Artıq 3 ilə yaxındır ki, İKT üzrə direktor müavini Gulnarə Səlimovanın rəhbərliyi və təşkilatçılığı ilə məktəbin informatika müəllimləri şagirdlərlə (ibtidai hazırlıqda oxuyan uşaqlar da daxil olmaqla) birlikdə robot texnologiyaları sahəsində fəaliyyət göstərir, sadə robot və lego-konstruksiyalar yığırlar. Bu yaxınlarda məktəbin şagirdləri Rusiya Federasiyasının Soçi şəhərində məktəblilər arasında keçirilən Beynəlxalq Robototexnika olimpiadasına iştirak etmişdilər. Şagirdlər robotları yazdıqları proqram kodları ilə idarə edirlər. Məktəbdə həftədə 2 saat informatika kursu və 1 saat Robototexnika kursu tədris olunur. Şagirdlər qonaqlara tədris meydançalarında özləri yığdıqları robotları nümayiş etdirir, onları idarə edən proqramlar barədə məlumat verdilər.