Şagirdlərə təkcə kompyuterdə işləməyi deyil, onlara həm də kompyuterdə proqramlaşdırmanı öyrətmək lazımdır.

Avropa İttifaqının (Aİ) Avropa İqtisadi və Sosial Komitəsinin üzvü Marius Opra  Təhsil naziri cənab Misir Mərdanovla görüşündə belə demişdir.

Görüşdə tərəflər Avropa İttifaqının ali təhsil müəssisələri arasında əməkdaşlıq çərçivəsində həyata keçirdiyi Tempus, Erasmus Mundus və s. proqramlarda Azərbaycanın daha fəal iştirakı, birgə elmi-tədqiqatların aparılması, texniki-peşə təhsilinin inkişafı, Azərbaycanın ucqar kənd rayonlarındakı məktəblərin vəziyyəti və həmin məktəblərə müəllimlərin cəlb olunması məsələlərini müzakirə edib, qarşıda duran problemlərin həlli yolunda görüləcək işlər barədə rəy və təkliflərini bildiriblər.

 

Qonaq şagirdlərin kompüter biliklərinin artırılmasında diqqəti təkcə kompüterdən istifadəyə deyil, onları bu sahə üzrə proqramlar hazırlamağa yönəltməyin vacib olduğunu nəzərə çatdırıb. Eyni zamanda Marius Opra Avropa İttifaqı üzvlərinin Azərbaycanın təhsili, mədəniyyəti, tarixi və s. haqqında məlumatlandırılması, bu məqsədlə Avropa İttifaqında müxtəlif təhsil sərgilərinin, tədbirlərin təşkil olunmasının məqsədəuyğunluğunu bildirib.

Təhsi Nazirliyinin rəsmi saytı