"PROQR@MÇININ KİTABXANASI" layihəsi

2015-ci ildə Azərbaycan Respublikasının Təhsil Nazirliyi çərçivəsində Abdulla Qəhrəmanovun rəhbərliyi ilə "Birinci sinifdən proqramlaşdırılmanın tədrisi" layihəsi reallaşmağa başlamışdı. Bu layihə çərçivəsində ScratchJr və Scratch 2.0 proqramlaşdırma dilləri bazasında ibtidai siniflərdə baza şəklində alqoritmləşdirmə və proqramlaşdırmanın əsaslarının öyrədilməsi nəzərdə tutulmuşdu. Həmin dövrdə Azərbaycan dilində adları çəkilən proqramlaşdırma dilləri üzrə heç bir vəsait yox idi.

Layihənin rəhbəri Abdulla Qəhrəmanov və layihənin işçi qrupunun üzvləri qərara gəlirlər ki, ScratchJr və Scratch 2.0 proqramlaşdırma dilləri üzrə vəsaitlər hazırlasınlar. Vəsaitlərin hazırlanması prosesində bu vəsaitləri Azərbaycanda ilk dəfə alqoritmləşdirmə və proqramlaşdırma sahəsində ixtisaslaşmış bir kitab nəşrləri seriyası buraxsınlar və onu "PROQR@MÇININ KİTABXANASI" adlandırsınlar.

"PROQR@MÇININ KİTABXANASI" layihəsi artıq beş ildir ki, fəaliyyətdədir. Bu beş ildə 7 vəsait hazırlanıb və ictimaiyyətə təqdim edilib.

	A.Qəhrəmanov, S.Sadıqova, D.Hacıyeva, K.Rəcəbova, İ.Cəfərova. Scratch 2.0 proqramlaşdırma dili. I hissə
	A.Qəhrəmanov, S.Sadıqova, İ.Cəfərova. Scratch 2.0 proqramlaşdırma dili. II hissə
	A.Qəhrəmanov, S.Sadıqova, D.Hacıyeva, İ.Cəfərova. ScratchJr proqramlaşdırma dili
	A.Qəhrəmanov, K.Rüstəmova, V.Mahmudov, S.Sadıqova, İ.Cəfərova. PYTHON proqramlaşdırma dili PRAKTİKADA
	A.Qəhrəmanov, S.Sadıqova,  İ.Cəfərova,  X.İbadullayeva. Çoxluqlar
	A.Qəhrəmanov, S.Sadıqova,  İ.Cəfərova. EXCEL – baza kursu
	A. Qəhrəmanov, A. Süleymanova, S. Sadıqova, İ. Cəfərova. Say sistemləri