Mən düşünürəm ki, şagirdlər ən
birinci layihələri qrup şəklində işləyərkən hazırlamalıdırlar. Bu ondan irəli
gəlir ki, qrupda işləyərkən hər uşaq layihə fəaliyyətinin xüsusiyyətlərini daha yaxşı dərk edir, ona düşən işin bir
hissəsini görmək üçün kompüter bacarıqlarından istifadə edir və olan vərdişlərini
təkmilləşdirir. Qrupların formallaşması
şagirdlərin maraqlarına görə aparılmalıdır. Həm də hər qrupa inkişaf səviyyələri
və düşüncələri fərqli olan şagirdlər
cəlb olunmalıdır.
İbtidai siniflərdə şagirdlər informatika dərslərində əsasən sadə mətn,
qrafik redaktorlar və Calkulator proqramında
işləməyi öyrənirlər. Ona görə də 1-4 siniflərdə layihələr elə seçilməlidir ki,
şagirdlər öz yaradıcılıqlarını göstərmək üçün bu proqramlardan istifadə etsinlər.
Orta təhsil pilləsində, yəni 5-9 siniflərdə şagirdlər layihələrin hazırlayarkən
daha mükəmməl proqram təminatından istifadə edə bilərlər.
Nəzərə alsaq ki həmin siniflərdə şagirdlər alqoritm nəzəriyyəsinin və
proqramlaşdırmanın əsaslarını keçməyə
başlayırlar, layihələrin mövzuları proqram məhsulların yaradılması ilə bağlı
ola bilər. Öz işlərini təqdim etmək üçün MS Publisher
və MS Power Point proqramları -
yaxşı vasitədir.
Layihələrin nəticələri müəyyən qayda ilə tərtib edilməlidir və hər
şagird öz layihəsini sinfə təqdim etməyə bacarmalıdır.
Layihə barədə informasiya
kağız formasında verilirsə, onda aşağıdakıları əhatə etməlidir:
1. titul vərəqi
– məktəbin adı, layihənin mövzusu, müəllif haqqında informasiya, müəllimin
soyadı, adı, layihənin yaradılması ili;
2. Problemin
qoyuluşu (nə tələb olunur);
3. Layihənin
tərkibi;
4. Mövzuya aid
mətn;
5. Nəticələr;
6. İstifadə
olunan materiallar ( ədəbiyyatın adı, saytlara istinad, istifadə olunan
şəkillərin, mətnlərin, musiqinin mənbələri göstərilməlidir);
7. Yekun nəticə
(tamamlama).
Şagirdlərin layihə fəaliyyətlərini qiymətləndirəndə, aşağıdakı
meyarlara fikir vermək lazımdır:
-
estetik tərtibat;
-
yerləşdirilmiş obyektlərin bir-birinə uyğunluğu;
-
mətni formatlama bacarığı;
-
obyekt haqqında eyni informasiyanı dəftərdə və
kompüterdə müxtəlif formalarda təqdim etmək: mətn, şəkil, cədvəl, ədəd
-
kompüterdə mətnlərlə və təsvirlərlə işləmək
bacarığı;
-
İnformasiyanı axtarmağı, emal və təqdim etməyi
bacarığı;
-
informasiyanı saxlamaq, işlətməsi və ötürülməsi
üçün mündəricatlardan, kataloqlardan, arayış
və yazı kitabçalardan istifadə
bacarığı;
-
layihənin mövzusunun açılması;
-
informasiya texnologiyaları vasitələrlə işləmək
bacarığı (radio, telefon, maqnitofon, kompüter);
-
danışıq qabiliyyəti;
Növbəti məqalədə mən informatika
dərslərində hansı tipli layihələr hazırlamağı barədə söhbət açacağam.
