ALPLogo proqramlaşdırma mühitinin komandaları

№	Komandanın formatı	Komandanın izahı və örnək
1	altproqram abc (x, y)	Başqa proqramdan çağrılan yardımçı proqram (altproqram) təyin olunur. Məsələn,   altproqram kvadrat (a) [    təkrarla 4 [irəli a sağa 90] ]  altproqramı tərəfi a olan kvadrat çəkir. İndi tərəfi 80 və 100 olan iki kvadrat çəkmək üçün əsas proqramda, sadəcə,  kvadrat (80) kvadrat (100) komandalarını yazmaq lazımdır.
2	bağanıgizlə	Bağa gizlədilir, yəni ekranda görünməz olur. bağanıgizlə
3	bağanıgöstər	Bağa ekranda göstərilir. bağanıgöstər
4	bağaX	Bağanın cari X koordinantını (ekranın eni üzrə) göstərən sistem dəyişəni. Bu dəyişən proqramda elan edilmir. yaz bağaX
5	bağaY	Bağanın cari Y koordinantını (ekranın hündürlüyü üzrə) göstərən sistem dəyişəni. Bu dəyişən proqramda elan edilmir. yaz bağaY
6	dəyişən x	x dəyişəni elan olunur. Məsələn, dəyişən a, b komandası ilə iki a və b dəyişəni elan edilir. Dəyişənə qiymət vermək üçün mənimsətmə işarəsindən (=) istifadə olunur. a = 5 b = a + 1
7	dövrdənçıx	təkrarla komandası ilə qurulmuş dövrdən dövr bitməmiş çıxmaq üçün istifadə olunur. dəyişən x x = 0 qələmiendir təkrarla 1000 [ irəli x sağa 90 x = x + 10 if (x > 350) [ dövrdənçıx ] ]
8	ekranE	Monitorun ekranının enini (üfüqi istiqamətdə piksellərin sayını) göstərən sistem dəyişəni. Bu dəyişən proqramda elan edilmir. yaz ekranE
9	ekranH	Monitorun ekranının hündürlüyünü (şaquli istiqamətdə piksellərin sayını) göstərən sistem dəyişəni. Bu dəyişən proqramda elan edilmir. yaz ekranH
10	əgər (şərt) [komandalar 1] əkshalda [komandalar 2]	"şərt" doğrudursa, "komandalar 1" qrupuna daxil olan komandalar yerinə yetirilir. Əks halda "komandalar 2" qrupu icra olunur. dəyişən c1, c2 c1=500 c2=1000 əgər (c1 < c2) [yaz c1, " kiçikdir"] əkshalda [yaz c1, " kiçik deyil"] Şərtin ödənilmədiyi halın önəmi yoxdursa, onu göstərmək lazım deyil (əkshalda hissəsinə gərək yoxdur).
11	geri n	Bağa n nöqtə (piksel) geri gedir. geri 50
12	get x, y	Bağa koordinatları (x, y) olan nöqtəyə keçir. get 200, 300
13	gözlə x	Komandaların icrası x millisaniyə gözlədikdən sonra yerinə yetirilir. irəli 100 gözlə 1000 irəli 200
14	ilkinvəziyyət	Bağa ilkin vəziyyət alır, yəni iş sahəsinin mərkəzində üzü yuxarı dayanır. ilkinvəziyyət
15	irəli n	Bağa n nöqtə (piksel) irəli gedir. irəli 100
16	musiqi m, s	m adlı melodiya s sürətlə səsləndirilir. musiqi cücələrim.alm, 80
17	musiqidur	Səsləndirilən musiqi durdurulur. musiqi cücələrim.alm, 80 gözlə 2000 musiqidur
18	qələmiendir	Bağa xətt çəkmək üçün qələmi endirir. qələmiendir
19	qələmiqaldır	Bağa iz qoymadan hərəkət etmək üçün qələmi qaldırır. qələmiqaldır
20	qələminrəngi r	r rəngli qələm seçilir. Burada r dəyişəni 0-dan 15-dək qiymət ala bilər. qələminrəngi 4
21	qələmineni n	Bağa qalınlığı n olan xətt çəkən qələmi götürür. qələmineni 3
22	rənglə x, y	Ekran seçilmiş rəngə uyğun olaraq x, y koordinantından başlayaraq rənglənir. Ekranda çəkilmiş başqa fiqurlar varsa, onların qapalı hissələri rənglənmir. get 200, 200 qələmiendir // kvadrat çək təkrarla 4 [ irəli 100 sağa 90 ] qələminrəngi 4 // kvadratı rənglə rənglə 250, 150
23	sağa n	Bağa n dərəcə sağa dönür. sağa 90
24	sil	İş sahəsi təmizlənir. sil
25	sola n	Bağa n dərəcə sola dönür. sola 60
26	təkrarla n   [komandalar]	[ ] mötərizələrinin içərisindəki "komandalar" təkrar-təkrar n dəfə yerinə yetirilir. təkrarla 4 [irəli 100 sağa 90]
27	təsadüfi(n)	0 ilə n-1 ədədləri arasında təsadüfi natural ədəd qaytarır. yaz təsadüfi(100)
28	yaz x	x dəyişəninin qiyməti yazılır. Sabit kəmiyyəti yazmaq üçün o, dırnaq işarəsi içərisində göstərilir. dəyişən a a = "Salam" yaz a yaz "Salam"
29	yazınınölçüsü n	Yazı ölçüsü n punkt müəyyən olunur. Burada n – natural ədəddir. yazınınölçüsü 14
30	//	Bu simvollardan sonra gələn yazı şərh kimi qəbul olunur. Başqa komandalardan fərqli olaraq, şərhlər icra olunmur. // kvadrat çək
Qeyd	Kod bölümündə olarkən CTRL + SPACE (CTRL + Boşluq klavişi) klavişlər kombinasiyasını basmaqla komanda adları ilə bağlı yardım ala və kodun yazılışını sürətləndirə bilərsiniz.